• Бишкекте жүргүнчү ташыган кичи автобус айдоочулары ЖОЛ КИРЕНИ КӨТӨРҮҮНҮ талап кылышууда. Мэрия азырынча макул эмес.
• "27 абитуриентти окууга мыйзамсыз киргизген" деп айыпталган Жогорку Кеңештин экс-депутаты КАНЫБЕК ОСМОНАЛИЕВди Бишкектин Биринчи Май райондук соту актады.
• Өлкөдө КОЙ-ЭЧКИЛЕР 2019-жылы идентификациядан өткөрүлөт. Бул тууралуу Айыл чарба, тамак-аш өнөр жайы жана мелиорация министрлиги билдирди.
• Жакындары мыйзамсыз соттолуп кеткенин айткан Бишкектин жарандары Ак үйдүн алдына МИТИНГГЕ ЧЫГЫП, президенттен өлкөдөгү баш аламандыкты токтотууну талап кылышты.
• Ушул жылдын 9 айында салыктын эсебинен мамлекеттик казынага 57 МИЛЛИАРД 479 миллион сом түшкөнү расмий маалымдалды.
• Кыргызстанда жалпы 19 УЧАК бар, анын 17си жеке авиакомпанияларга таандык. Бул тууралуу Жарандык авиация агенттиги билдирди.
• Жыл башынан бери өлкөдө 10 ЧЕК АРА ЖАҢЖАЛЫ катталганын Мамлекеттик чек ара кызматы маалымдады.
• Өлкө боюнча 203 СОТ АТКАРУУЧУ бар. Бул тууралуу Жогорку Соттун алдындагы Сот департаментинин директору Рустам Ибраимов билдирди.
• Парламент депутаты ИРИНА КАРАМУШКИНА КСДПнын Бишкек шаары боюнча координатору болуп шайланды. Мындай чечим партиянын шаардык конференциясында кабыл алынды.
• Бишкек-Ош трассасында айдоочу оор жүк ташуучу унаа менен 15 ЖЫЛКЫНЫ СҮЗҮП өлтүрдү.
• Бишкек шаарындагы көп кабаттуу үйлөргө 18-октябрдан тарта ЖЫЛУУЛУК БЕРИЛЕ баштады.
• Парламент депутаты ААЛЫ КАРАШЕВ "азыркы өкмөттүн иштеп жатканына 6 айдан ашты, ишкерликти колдоо боюнча көзгө көрүнөрлүк иши жок" дейт.
• "Манас" аэропорту 9 айда 2 МИЛЛИОН 667 МИҢ 862 жүргүнчүнү тейлегени маалымдалды.
• Депутат ДАСТАН БЕКЕШЕВ "Кыргыз соттору чечкинсиз, анткени УКМК менен Башкы прокуратурадан коркушат" деген пикирин билдирди.
  

Автандил Добулбеков
politika@super.kg