Орусиянын НТВ телеканалы кыргыздын белгилүү дикторлорунун бири, ырчы Жолдубай Кайыпов тууралуу документалдуу тасма тартты. Тасмада ырчынын өлүмү баяндалган. Эске салсак, ырчы 1984-жылы 37 жашында кылмышкерлердин колунан каза тапкан. Ырчынын бир тууган агасы Алыбай Кайыпов фильмдин тартылышына нааразы болгонун билдирди.

“Жайында ушундай көрсөтүү даярдалып жатат деп мени чакырып калышты. Чынын айтсам, анча деле каалоом болгон эмес, бирок сүйлөп бергем. Фильмде инимди бирөөгө карыз, ошондон улам таксист да болуп иштеген” дешиптир. Машинаны жаңы алып, айдаганды үйрөнүп жүргөндө каза болду, кантип анан таксист болот? Биз, бир туугандар бири-бирибиздин турмушубуз жөнүндө жакшы билебиз да. Эгер фильмде чындык болсо, ичибизден тынып, унчукпай калмакпыз. Иним таксист болгон эмес, карызы да жок болчу. Фильмди көркөмдөп, кооздош үчүн кошуп салышыптыр, ошого нааразы болдук”,- дейт агасы.

star@super.kg