• Жыл башынан бери чет жердеги Кыргыз мигранттары өлкөгө 1 МИЛЛИАРД 970 МИЛЛИОН сом которушканын Улуттук банк маалымдады.
• 3-Дүйнөлүк көчмөндөр оюндарында ар бир райондон 1 миллион сомдон 1,5 МИЛЛИОН СОМГО чейин акча чогултулганын парламент депутаты Эльвира Сурабалдиева айтып чыкты.
• Өлкө боюнча учурда кооптуу абалда 191 МЕКТЕП, 2 бала бакча бар экени расмий маалымдалды.
• 2018-жылдын 10 айында жергиликтүү бюджеттерге 12,2 МИЛЛИАРД СОМ киреше түшкөнүн каржы министри Адылбек Касымалиев билдирди.
• 14-ноябрь – Бүткүл дүйнөлүк диабеттин күнүнө карата Бишкекте “Диабет ар бир үй-бүлөгө тиешелүү” деген ураан менен ЖӨӨ ЖҮРҮШ өттү.
• УКМК: Бишкек ЖЭБиндеги кыш чилдедеги АВАРИЯНЫН ЧЫГЫМЫ 89 миллион 699 миң 230 сомду түздү.
• 2017-жылы Ош облусунда ЖАШЫ ЖЕТЕ ЭЛЕК КЫЗДАРДЫ турмушка берген үч факт катталып, 6 адам жоопко тартылган.
• Парламент комитети Кыргыздын Өзбекстандагы элчиси кызматына ИБРАГИМ ЖУНУСОВду көрсөтүү сунушун жактырды.
• Лейлекте айылдык кеңештин депутатын АТКАН АДАМ кармала элек.
• Вице-премьер-министр Алтынай Өмүрбекованын айтымында, Кыргыз мамлекетинде 43 ӨЗБЕК ТИЛДҮҮ мектеп бар.
• 2018-жылдын 10 айында өлкөдө жол кырсыгынан 66 БАЛА каза болсо, 1307 бала жаракат алган. Маалыматты “Жол коопсуздугу” долбоорунун жетекчиси Чынара Касмамбетова билдирди.
• Суукка байланыштуу Бишкек шаарындагы ТРОЛЛЕЙБУСТАРДЫН каттоо мөөнөтү саат 22:00гө чейин узартылды.
• Бишкек-Ош жолунда ГАЗ ТАШЫГАН УНААНЫН баллону жарылып, унаа өрттөнүп кетти. Жаракат алгандар жок.
• Монополияга каршы жөнгө салуу агенттиги: 2018-жылга карата КӨМҮРДҮН БААСЫНА чек коюла элек.
• Депутат Алтынбек Сулайманов өлкөнү ЕАЭБге киргизүүдө жол берилген мүчүлүштүктөр үчүн экс-премьер ТЕМИР САРИЕВдин ишмердүүлүгүн текшерүү керектигин айтып чыкты.
  

Автандил Добулбеков
politika@super.kg