22-февраль күнү Бишкектеги "Медиа-Форум" имаратында КСДПнын жыйыны өттү. Жыйынга келген экс-президент Алмазбек Атамбаев "Биздин партия эч качан күчүн жоготпойт. Эл арасында "бир күнү Атамбаев мамлекетти башкарууну өткөрүп бергендей партиясын да өткөрүп берет" деген сөз болуп жатат. Азыр партияны таштап кетпейм. Убагы келет, ошондо өткөрүп берем. Мага президенттик шайлоо сабак болду. Биздин курам жаңылануу менен күчтөнө берет", - деди. Ошондой эле ал жакынкы 2-3 айда партияда чоң өзгөрүүлөр боло турганын билдирди.
Жыйында Атамбаевдин 2020-жылы өтө турган парламенттик шайлоого катышары белгилүү болуп, ал партиянын сап башында турары, ошондой эле партия жаңы жүздөр менен толукталары айтылды.

Кубан Жумамидинов
politika@super.kg