• Президенттик аппараттын мурдагы башчысы, саясатчы Эмилбек Каптагаев Бишкектин аталышын Манас деп өзгөртүүнү сунуштады.
• Бишкек шаарындагы «Бийликти узурпациялоо жана анын кесепеттери» аттуу жыйынга чогулгандар экс-президент Алмазбек Атамбаевдин бийлигин сынга алып, аны кылмыш жоопкерчилигине тартууну талап кылышты.
• Финансы полициясы Мамлекеттик бажы кызматынын төрагасынын мурдагы орун басары Райымбек Матраимовдун мүлкүн 3 айдан бери текшерип бүтө элек.
• 24-мартта экс-президент Алмазбек Атамбаевдин жубайы Раиса Атамбаева Өзбек президентинин аялы Зироатхан Мирзийоеванын чакыруусу менен Ташкентке барды.
• Балдарды чет жакка алып чыгууда алардын баарына милдеттүү түрдө жалпы жарандык паспорт (чет элдик паспорт) алуу талап кылынат.
• Бишкек мэриясы апрелде таштандыларды кайра иштетүүчү заводдун курулушуна тендер жарыялайт. Бул тууралуу «Бишкек санитардык полигону» муниципалдык ишканасынан билдиришти.
• Жогорку сот камактагы саясатчы Эрнест Карыбековдун өтүнүчүн карап, жаза мөөнөтүн 14 жылдан 11 жылга кыскартты. Ал 2016-жылдын март айында, "бийликти басып алууга аракеттенген" деген айып менен кармалган.
• "Комсомольская правда" гезитинин журналисти Дмитрий Смирнов Орусия президенти Владимир Путиндин келишине карата Кыргыз тараптын журналисттерге түзгөн шартын сынга алды.
• Ош-Баткен-Исфана жолун кургандар маяна берилбей жатканын айтып даттанышты.
• Ош шаарындагы жеке менчик кеңселердин бирине уурулукка кирип, жалпы суммасы 4 миллион 706 миң сом акчаны уурдап кетишкен жарандар кармалды.
• Бишкек шаарынын вице-мэри Уланбек Азыгалиев Кара-Көл көчөсүн кеңейтүү үчүн Ботаникалык бактан дарактар кыйыларын маалымдады.

Кубан Жумамидинов
politika@super.kg