• Мирлан Тургунбеков УКМКнын төрагасынын орун басары — УКМКнын Антитеррордук борборунун директору болуп дайындалды.
• 2019-жылдын башынан бери 25 чет элдик жаран Кыргызстандын чек арасын мыйзамсыз кесип өткөн.
• Бишкек мэриясы Өмүрбек Текебаев менен Садыр Жапаровдун кылмыш иши кайра карала турган күнү тарапташтарына митинг өткөрүүгө уруксат берди.
• 1782 кыргыз жараны учурда чет өлкөлөрдө жазасын өтөп, абакта жатышат.
• Кыргызстанда туристтик паспорт киргизилет. Бул тууралуу Туризм департаментинин директору Максат Дамир уулу билдирди.
• 2018-жылы Кыргызстанга дүйнөнүн ар кайсы бурчунан 6 миллион 950 миң киши келген, алардын ичинен 3 миллиону турист.
• Бишкектеги Тарых музейи менен Чолпон-Атадагы ат майданды реконструкциялоонун жүрүшүндө мамлекетке 247 миллион сом зыян келтирилген.
• 15-апрелден тарта Бишкек шаары жана Чүй облусунун аймагында "Коопсуз шаар" долбоорунун жаңы 16 камерасы ишке киргизилди.
• Депутаттын "Антикоррупциялык кызматтын президенттин указы менен түзүлгөнү мыйзамдуу болгонбу?" деген суроосуна баш прокурор Өткүрбек Жамшитов жооп бере албай койду.
• Башкы прокуратура тарабынан 2018-жылы экстремисттик жана террордук маалыматтарды тараткан деп 139 интернет сайты жабылды.
• 2019-жылдын февралында мамлекеттик карызды тейлөөгө республикалык бюджеттен 1 миллиард 458 миллион сом сарпталды.
• 2018-жылы Орусиянын аймагынан Кыргыз жарандары тарабынан ташталган 75 ымыркай алып келинген. Бул тууралуу парламент комитетинин жыйынында депутат Таабалды Тиллаев билдирди.
• Азиз Батукаевдин иши кайра каралып баштады. Бул тууралуу башкы прокурор билдирди. 2013-жылы сот Батукаевди "айыккыс дартка чалдыкты" деген жүйө менен бошотуп, ал ошол эле күнү өлкөдөн чыгып кеткен.
  
  

Кубан Жумамидинов
politika@super.kg