24-март күнү Гүлнура Төралиева жетектеген медиа эксперттердин тобу “Сорос” фонду менен биргеликте “Медиа таасирдин матрицасы” аталышында иликтөөнү жарыялашты. Анда 2018-жылдын ноябрь айынан 2019-жылдын март айына чейин жалпыга маалымдоо каражаттарынын өнүгүү тенденциясы айтылат.

Изилдөөнүн жыйынтыгында бүгүнкү күндөгү мамлекеттик ЖМКлардагы маалымат жана кадрдык саясатты президенттин аппараты аныктаарын билдиришти. Мындан башка күн тартибин аныктаган, коомдук пикир түзүүчү ЖМКлар деп көз карандысыз маалымат каражаттарынын аттары аталды. Алар: "Супер-Инфо" гезити, SUPER.KG порталы жана Кактус-Медиа, 24.kg, Кloop.kg. Иликтөөлөр аталган басылмалар каржылоо жагынан көз карандысыз, өзүн-өзү каржылаган ЖМКлар деп аталды. Гезиттердин ичинен "Супер-Инфо" көз карандысыз, туруктуу басылма катары бөлүп көрсөтүлдү.