• 3-майга карата өлкөдө Улуу Ата Мекендик согуштун 347 ардагери калды. Аларга Жеңиш күнүнө карата 20 миң сомдон берилет. Бул тууралуу Эмгек жана социалдык өнүктүрүү министрлиги билдирди.
• Мыйзамдагы ууру Азиз Батукаевдин кылмыш ишин иликтөө иштеринин жүрүшүндө 2 дарыгер кармалды. Алар СИЗО-1ге 2 айга камалды.
• Абдыганы Эркебаев Кыргыз элинин ассамблеясынын төрагасы болуп шайланды.
• Кыргызстанда мамлекеттик кызматкерлердин 40 пайызын аялдар түзөт. Бул тууралуу Улуттук статистикалык комитет маалымдайт.
• Орозо айындагы битир-садаканын минималдык өлчөмү 35 сомду түздү. Бул тууралуу Мусулмандардын дин башкармалыгы билдирди.
• Улуттук статистикалык комитеттин билдиргени боюнча, Кыргыз өлкөсүндө уюлдук телефон колдонуучулардын саны 7 миллион 700 миңден ашат.
• 2018-жылы бюджеттен каржыланган уюмдар жана мамлекеттик үлүшү бар акционердик коомдор менен мамлекеттик мекемелер күйүүчү-майлоочу майга 3 миллиард 47,4 миллион сом коротушкан. Бул тууралуу Каржы министрлиги билдирет.
• Ветеринардык жана фитосанитардык коопсуздук боюнча мамлекеттик инспекциясы билдиргендей, жылына 25 миңдей жолбун иттер атылат.
• «Коопсуз шаар» долбоорунун алкагында февралдан май айына чейин айдоочулар 37 миллион сом айып пул төлөдү. Бул тууралуу ЖКККББ билдирет.
• Кыргыз өлкөсүндөгү абактарда 3 миң адам орозо кармап жатат. Бул тууралуу Жазаларды аткаруу мамлекеттик кызматы билдирди.
• Вице-премьер-министр Кубатбек Бороновдун айтуусу боюнча, Кыргыз өлкөсүндө кен казууга 2571 лицензия берилген.
• Ысык-Көлдө өтүп жаткан 9-майга арналган көк бөрү боюнча мелдештин финалына Таластын "Ынтымак" командасы менен Оштун "Достук" командасы чыгышты. Финалдык оюн 9-майда өтөт.
  
  

Адилет Керимбек уулу
politika@super.kg