14-май күнү акын Жыпара Исабаева интернеттеги жеке баракчасына: “Куттуктайбыз! Кандай жакшы! Досторум, кымбаттуу поэзия күйөрмандары, кыргыз элим, жакшы жаңылыгым бар.

Дүйнөдө дагы бир эки асыл, эки бийик, эки улуу адамды тагдыр кошуп, эки аалам бир аалам болуп, эки дүйнө-бир дүйнө болуп биригип, мелмилдеген, мелжиген бир улуулукту жаратып, уккан кулакты, көргөн көздү кубантып турган чагы.

Кыргыз элинин чыгаан уулу, генерал-лейтенант Калмурат Садиев агабыз менен кыргыз поэзиясынын белгилүү акыны Бактыгүл Чотурова эжебизди тагдыр кошту. Элдин эки асылы, бар болуңуздар, дайыма бирге болуңуздар! Балдардын бактысын, урмат-сыйын бирге көрүп, бактылуу болуңуздар!

Жезделүү болгон кандай жакшы!”- деп жазып, сүйүнчүсү менен бөлүштү.

Биз Бактыгүл Чотурова айымды куттуктап байланышканыбызда жогорудагы маалыматтын чын экендигин тастыктады.

Элибиздин эки белгилүү инсанына бакыт каалайбыз.

star@super.kg