Белгилүү режиссёр Таалайбек Кулмендеев 1-8-сентябрь күндөрү Орусиянын Анапа шаарында өтө турган “Киношок” кинофестивалына калыстык кылат. Бул кабарды режиссёр ырастап, кошумча маалыматтарды айтты.

– “Киношок” фестивалы КМШ өлкөлөрүнүн чөлкөмүндөгү престиждүү фестиваль болуп эсептелет. Былтыр “Мунабия” тасмабыз аталган фестивалдан баш байгени жана "Мыкты сценарий" наамын алган. Мени былтыркы жеңүүчү катары быйыл калыстардын катарына кошушуптур. Албетте, бул мен үчүн чоң сыймык жана жоопкерчилик. Мага чейин “Киношок” фестивалына белгилүү режиссёрлор Актан Арым Кубат, Эрнест Абдыжапаров барып, калыстык кылып келишкен.

star@super.kg