• Экономика министрлиги: "Акыркы айларда инвестициялык климат начарлап кетти".
• Алмасбек Абытов өкмөттүн Жогорку Кеңештеги өкүлү болуп дайындалды.
• Жогорку Кеңештин кезектеги сессиясы ишин баштады.
• Президент Сооронбай Жээнбеков Жогорку Кеңештин спикери Дастан Жумабековду кабыл алып, депутаттарды жемиштүү иштөөгө чакырды.
• Баткендин Ак-Сай айылында 2-сентябрда Тажик чек арачылары менен Кыргыз жарандарынын ортосунда чыр чыкты. Жабыркагандар жок.
• Бишкек ЖЭБиндеги авария боюнча 4,5 жылга соттолгон «Электр станциялары» ишканасынын мурдагы башчысы Узак Кадырбаев жаза мөөнөтү бүткөндүгүнө байланыштуу эркиндикке чыкты.
• Токмок шаарында 3 бала сабалып, ооруканага түштү. Кылмышка шектелип 25 жаштагы 2 адам кармалды.
• Чүй аймагындагы «Ала-Арча» эс алуу жайында 31-августта өрт чыгып, 30 гектар жер күйүп кетти.
• Эгемендүүлүк майрамынан кийин Бишкектин «Ала-Тоо» аянтынан 16 тонна таштанды чыкты.
• Финпол менен УКМК Өмүрбек Бабановду суракка алууну улантууда.
• 4-сентябрда Бишкек шаардык соту мурдагы президент Алмазбек Атамбаевдин кармалышын мыйзамдуу деп тапты.
• Бишкек мэриясынын жетекчилиги «Ош базарын» жана анын айланасын иретке келтирүүгө тапшырма берди.
  

Автандил Добулбеков
politika@super.kg