• 2019-жылдын январь-август айлары аралыгында Кыргыз Республикасынын бюджетине 98,4 миллиард сом киреше түштү.
• Билим берүү жана илим министринин орун басары болуп Нурлан Өмүров дайындалды.
• Бишкектеги олимпиадалык резервдер мектеби 48 миллион сомго оңдолду.
• Бишкектин Биринчи Май райондук соту КСДПнын мүчөлөрү Фарид Ниязов, Алга Кылычов, Амантур Жамгырчиевди 9-декабрга чейин камакта калтырды.
• Бишкектин Биринчи Май райондук соту Жогорку Кеңештин депутаты Ирина Карамушкинаны 9-декабрга чейин үй камагында калтырды.
• УКМКнын мурдагы төрагасы Бусурманкул Табалдиевге эл аралык издөө жарыяланды.
• Премьер-министр Мухаммедкалый Абылгазиев 1-октябрдан тарта мугалимдердин айлыгын 30 пайызга көтөрүү тууралуу токтомго кол койду.
• Өкмөттүн токтомуна ылайык, 2019-жылдын 1-октябрынан тартып пенсиянын базалык жана камсыздандыруу бөлүктөрүн көбөйтүү каралууда.
• Жогорку Соттун Конституциялык палатасынын судьясы Курмантай Абдиев 70 жашка чыгып, улгайгандыгына байланыштуу кызматтан мөөнөтүнөн мурда бошотулду.
• Нарын облусунун Ат-Башы районунда Кытайдын көмөгү менен 280 миллион долларга өнөр жай соода-логистикалык борбору курулат.
• Ак-Талаа райондук мамлекеттик администрациясынын башчысы болуп иштеп келген Нурбек Молдокадыров Нарын шаарынын мэри болуп шайланды.
• Бишкек мэриясынын бөлүм башчысы 7 гектардан ашык жерди турак жай куруу үчүн мыйзамсыз бөлүп берип, 2 миллион сом алган деп шектелип, УКМК тарабынан кармалды.
  
  

Кубан Жумамидинов
politika@super.kg