Бишкекте 9-январда "Factcheck" сайтынын башкы редактору Болот Темировду бел­­гисиз адамдар сабап, уюлдук телефонун тартып алышкан. Ушул эле күнү Темиров Бишкектин Биринчи Май райондук ички иштер бөлүмүнө арыз менен кайрылган. Анда ал спорттук дене түзүлүштөгү 3 адам ур-токмокко алып, телефонун алып кетишкенин билдирген. Бул ишти ИИМ жетекчилиги көзөмөлгө алганы айтылды. Окуя кадимки карактообу же журналисттин иш­мер­дүүлүгүнө байланыштуу коркутуубу деген суроонун тегерегинде кызуу талкуу жүрүүдө. Болот Темиров өзү бул иштин аягына чыгат деп ИИМге ишеним артпай турганын билдирип, окуяны өзүнүн журналисттик ишмердүүлүгү менен байланыштырууда.

14-январь күнү ИИМ аталган окуя боюнча кылмышка шектелип 4 адам кармалып, убактылуу кармоочу жайга киргизилгенин жарыялады. Алар Жалал-Абад облусунун 1992, 1993, 1994-жылы туулган тургундары. Бул факты Кылмыштардын жана жоруктардын бирдиктүү реестрине “адамдардын тобу тарабынан күч колдонуу менен тоноо” беренеси менен катталып, териштирүү иштери улантылып жатат.

Перизат Музуратбекова
politika@super.kg