• Эпидемиялык кырдаалга байланыштуу футбол боюнча Кыргыз Премьер-Лигасы 8-майга чейин токтотулду.
• Өзгөчө абал режимине байланыштуу Алмазбек Орозалиев Бишкек шаарынын коменданты болуп дайындалды.
• Жеңишбек Жоробеков өзгөчө абал жарыяланган Жалал-Абад шаары жана Сузак району боюнча комендант болуп дайындалды.
• Өлкөдө ички темир жол каттамдары убактылуу токтотулду.
• Малик Нурдинов Ош шаарынын, Ноокат жана Кара-Суу райондорунун коменданты болуп дайындалды.
• Коронавирус менен күрөшүүгө жардам берүүнү каалагандар үчүн ачылган Каржы министрлигинин атайын эсебине түшкөн акчанын суммасы 24-мартка карата 11 миллион 300 миң сомду түздү.
• Ун өндүрүүчү ишканаларга 800 миллион сом насыя берилди.
• 25-марттан тарта өлкөнүн ички аба каттамдары токтотулду.
• 24-мартка чейин өлкөдө 8 миллион 397 миң 447 чарчы метр аймак дезинфекцияланганы айтылды.
• Ошто "коронавирусту бийлик ойлоп тапкан" деп жалган маалымат тараткан адам кармалды.
• Өкмөт жашоо үчүн зарыл дарыларды жана медициналык буюмдарды өлкөгө убактылуу мамлекеттик каттоосуз ташууга уруксат берди.
• Таласта ар бир айылга санитардык-карантиндик посттор коюлуп, кирип-чыккандар дыкат көзөмөлгө алынууда.
  
  

Автандил Добулбеков
politika@super.kg