• Өлкөдө аба каттамдарын жандантуу маселеси 25-майда каралат.
• 24-май Орозо айт деп белгиленди. Бул күн жекшембиге туш келгендиктен, дүйшөмбү, 25-май дем алыш күнү деп жарыяланды.
• Ушул жылдын 2-февралынан 16-майына чейин чет өлкөдөн 10 138 Кыргыз жараны кайтып келди.
• Нарын шаардык мэриясынын имараты 19-майда үч күнгө карантинге жабылды, себеп – ал жердеги кызматкерлердин биринен коронавирус аныкталган.
• Өкмөт: Өпкөнү жасалма жол менен дем алдыруучу аппараттар жетиштүү.
• 2019-жылы Ысык-Көлгө келген туристтердин 83 пайызын өлкөнүн ичиндеги туристтер түзгөн.
• ИИМ жетекчилиги: Бишкекте кафе-ресторандар карантин эрежесин сактабай жатышат.
• Мурдагы президент Алмазбек Атамбаев Кой-Таш окуясы боюнча 18-майдагы соттук отурумга “ооруп жатат” деген себеп менен келген жок.
• Ош облусунун жетекчилиги мектептерде 10, 20 жылдык жолугушуу кечелерин уюштурууга уруксат берилбесин деп чечти.
• Ош шаарында коронавирустан улам 775 адам үй карантининде отурат.
• Быйыл ЖОЖдордо мамлекеттик сынактарды тапшыруу аралыктан жүргүзүлөт.
• Транспорт жана жолдор министрлигинин бюджети 1 миллиард 365 миллион сомго кыскартылганы айтылды.
• Сузак райондук Курулуш башкармалыгынын кызматкери пара менен кармалды. Паранын суммасы айтылган жок.

Автандил Добулбеков
politika@super.kg