Мурдагы премьер Сапар Исаков Мамлекеттик тарых музейин жана Чолпон-Атадагы ат майданды жаңылоого байланыштуу кылмыш ишинде күнөөлүү деп табылып, 18 жылга эркинен ажыратылды. Ошондой эле мамлекетке 247 миллион 650 миң сом төлөө милдети жүктөлдү. Мындай чечимди 9-июнда Бишкектин Биринчи Май райондук соту чыгарды.

Экс-премьер “коррупция” беренеси менен айыпталган. Ал эми кылмыш ишинин башка фигуранты, президенттик аппараттын мурдагы бөлүм башчысы Мира Карыбаевага
260 миң сом айып төлөтүү чечими чыкты.

Айта кетсек, Башкы прокуратура Тарых музейин оңдоодо мамлекетке 101 миллион 600 миң сом, ат майданды оңдоодо 145 миллион 900 миң сом зыян келтирилгенин билдирген.

Сапар Исаков буга чейин Бишкек ЖЭБин жаңылоого байланыштуу кылмыш иши боюнча 15 жылга эркинен ажыратылган.

Автандил Добулбеков
politika@super.kg