• Орусиядагы Кыргыз элчилиги: “20-марттан 14-июнга чейин Орусиядан 9806 Кыргыз жараны мекенине жөнөтүлдү”.
• УКМК: “Алмазбек Атамбаевдин ден соолугу күнү-түнү көзөмөлдө”.
• Бишкекте 12-июнь күнү чак түштө белгисиз адамдар банкты тоноп кетишти, шектүүлөр кармала элек.
• “Кыргыз темир жолу” мамлекеттик ишканасынын мурдагы жетекчиси Канатбек Абдыкеримов УКМК тарабынан коррупцияга шектелип кармалды.
• Мамлекеттик айыптоо мурдагы президент Алмазбек Атамбаевди 15 жылга эркинен ажыратууну соттон өтүндү.
• 2020-жылдын 30-апрелине карата Кыргыз өлкөсүнүн мамлекеттик карызы 4 миллиард 592 миллион 84 миң долларды түзгөнүн Каржы министрлиги билдирди.
• Үстүбүздөгү жылдын башынан бери дыйкан-фермерлерге 2,8 миллиард сом суммасында жеңилдетилген насыя берилгени айтылды.
• Өкмөт: “Эпидемия маалында жарандардын 70 пайызы санитардык нормаларды сактабай жатышат”.
• 15-июнда Бишкекте наабайканадан өрт чыгып, анын кесепетинен 25 жаштагы жигит каза тапты.
• Президент Сооронбай Жээнбеков 17-июнда өлкөнүн темир жол тармагын өнүктүрүү боюнча кеңешме өткөрдү.
• Эпидемиялык кырдаалга байланыштуу Бишкекте батуттардын жана велосипеддерди убактылуу колдонууга берчү жайлардын ишине тыюу салынды.
  
  

Автандил Добулбеков
politika@super.kg