• Бишкектин мэри Азиз Суракматовго коронавирус жукканы аныкталды.
• Президент Сооронбай Жээнбеков Орусиянын Канттагы аскердик базасы боюнча келишимге жаңы нормаларды киргизүүчү мыйзамга кол койду.
• Бишкектин ири базарлары ар дүйшөмбү күнү дезинфекциялоо үчүн жабылат.
• Сүлүктүдөгү шахтадан газ чыгып, кырсыктан 4 адам каза тапты.
• Интернет желесине “1-июлда митинг болот” деп билдирүү тараткан адам кармалганын ИИМден билдиришти.
• Өзгөндө 19 жаштагы жигит селкинчектен кулап каза болду.
• Кой-Таш окуясы: 22-июндагы сот жыйынында Асел Кодурановага, Кундуз Жолдубаевага жана Мээрбек Мискенбаевге айыптоо актылары угузулду.
• Сибирь аймагындагы 200дөй Кыргыз студенти мекенине алып кетүүнү суранып, өкмөткө видеокайрылуу жасашты.
• Кыргыз-Кытай чек арасындагы “Эркеч-Там” өткөрүү пункту 25-28-июнь күндөрү жабылат.
• Ушул жылдын 5 айында Ысык-Көл облусунда үй-бүлөлүк зомбулук боюнча сотко чейинки 190 иш тараптар элдешип алганы үчүн токтотулган.
  
  

Автандил Добулбеков
politika@super.kg