Мурдагы президент Алмазбек Атамбаев 29-июнда УКМКнын тергөө абагынан ооруканага которулду. УКМКнын маалыматына таянсак, дарыгерлер Атамбаевге эки тараптуу пневмония диагнозун коюшту. Коопсуздук комитети "экс-президент дартты адвокатынан жуктуруп алышы мүмкүн" деген жоромолду айтууда. КСДПнын өкүлдөрү дарыгерлерге шилтеме берүү менен экс-президенттин абалын орточо оор деп билдиришти.

Алмазбек Атамбаевдин уулу Кадыр Атамбаев “пневмония илдети УКМКнын тергөө абагынан атайын жуктурулду” деп шектенип жатышканын жарыялады. УКМК мындай билдирүүнү “коомчулуктун көңүлүн башка нукка буруу аракети” деп баалады.

Автандил Добулбеков
politika@super.kg