“Исмаил Матраимов” атындагы кайрымдуулук фонд Орусиядан Ош шаарына келген дарыгерлер тобун каржылайт. Бул тууралуу 19-июлда парламент депутаты Искендер Матраимов интернеттеги жеке баракчасына жарыялады. Анда айтылгандарга таянсак, Москвадан Ошко 15 дарыгер келген. Алардын жол кире чыгымы, маяналары аталган фонд тарабынан төлөнөрү айтылды. Ыктыярчы дарыгерлер тобу “Андрос Ош” убактылуу стационарында жана башка ооруканаларда бейтаптарга кам көрөт. Ошондой эле аймактарга чыгып, портативдик рентген менен жарандардын ден соолугун текшеришмекчи. Ош шаарындагы “Андрос Ош” стационары өткөн аптада жогоруда аталган фонд тарабынан ачылып, пайдаланууга берилген.

Жолдубек Качкынбаев
politika@super.kg