21-июлда Орусиядан Бишкекке 20 аскердик дарыгер келди. Аларды алып келген учак Орусиянын Канттагы аскердик базасына конду. Бул дарыгерлер тобу Кыргыз-Орусия президенттеринин телефондон кезектеги сүйлөшүүсүндө макулдашылып жөнөтүлгөнү айтылды. Дарыгерлер менен кошо өпкөнү жасалма дем алдыруучу аппараттар, кычкылтек концентраторлору жана башка жабдыктар, коронавируска каршы дары-дармектер алынып келингенин Кыргызстандын Куралдуу күчтөрүнүн башкы штабы билдирди. Бул дарыгерлер коронавируска каршы күрөштө аскер кызматкерлерине, алардын үй-бүлөлөрүнө кеп-кеңеш жана медициналык жардам бермекчи. Төрт бригада Бишкекте иштесе, эки бригада Ошко жөнөтүлөрү айтылды.

Жолдубек Качкынбаев
politika@super.kg