"LG" компаниясы “IFA 2020” көргөзмөсүндө жаңы муздаткычтар менен тааныштырат. Бул жылы көргөзмө коноктордун катышуусу менен өткөрүлбөйт. Бирок "LG" компаниясы иш-чарасынан баш тартпастан, турмуш-тиричилик техникасынын жаңы моделдерин виртуалдуу демонстрациялоону пландап жатат. Алардын арасында заманбап муздаткычтардын InstaView сериясы да бар.

Маалыматка таянсак, LG InstaView Door-in-Door муздаткычы – бул UVnano функциясы менен айырмаланган модель. Атайын ультрафиолет светодиоддоруна ээ болгон түзүлүшү бар. Бул түзүлүш 99,99 пайыз вирус жана бактерияларды жок кыла алат.

Кийинки модель – LG InstaView ThinQ. Акылдуу муздаткыч ага салынган жана алынган азыктарды таанып-билүү менен өзгөчөлөнүп турат. Муздаткыч ичине салынган тамак-ашты, жашылча-жемиштерди жогорку технологиялык камера жана жасалма интеллект аркылуу биле алат.

Жибек Мурсакматова