Америкалык миллиардер, бир канча ишканалардын ээси Илон Маск адамдарды 2024-жылга чейин Кызыл Планетага жөнөтүүнү көздөөрүн айтты. Анын пикири боюнча, 2050-жылга чейин ал планетада өзүн-өзү камсыздаган шаар курулушу керек. Бул канчалык татаал жана кооптуу болсо да, Илон Маск бул план аткарылышы керек деп эсептейт. Ошондой эле Маск тогуз жылдын ичинде адамдарды Марс планетасына алпарчу миңдеген аба кемелерин түзүүнү пландоодо. "Албетте, бул иш мынча мөөнөттүн ичинде аткарылабы же жокпу белгисиз, бирок Жердеги глобалдык жылуулук жана суу көйгөйлөрүнүн өсүшүн эске алганда, шашылыш керек",- дейт Маск. Миллиардер 10 жылдын ичинде көп жолу колдонулуучу 1000 космикалык кемелерди чыгарууну көздөйт. Бул кемелер Түндүк Техаста “SpaceX” компаниясы тарабынан чыгарылмакчы. Бир жылда 100 кеме чыгарылат. Масктын ою боюнча күчтүү аба кемелери Марска жылына 100 мегатонна жүк жеткириш керек.

Жибек Мурсакматова