• Улуттук банк долларга карата сомдун курсун турукташтыруу үчүн 8-декабрда 10 миллион 300 миң долларды сатыкка чыгарды.
• БШК президенттик шайлоого карата Москвада жана Тюменде кошумча шайлоо тилкелерин ачышы мүмкүн.
• Уставдык капиталы 50 миллион долларды түзгөн Кыргыз-Өзбек инвестициялык фонду түзүлөрү расмий маалымдалды.
• 8-декабрда Новосибирсктен “Ысык-Көл” аэропортуна 169 жүргүнчү менен алгачкы чартердик каттам учуп келди, каттам апта сайын шейшемби күндөрү аткарылат.
• Жогорку Кеңештин төрагасынын алдында миграция жана чет өлкөдөгү диаспоралар маселелери боюнча кеңеш түзүлдү.
• Жогорку Сот Мамлекеттик тарых музейи жана Чолпон-Атадагы ат майданды жаңылоо боюнча мурдагы инстанциялардын өкүмүн жокко чыгарды.
• Ошто мамлекетке 13 миллион сом зыян келтирүүгө шектелип Эсеп палатасынын инспектору кармалды.
• COVID-19 эпидемиясы боюнча штаб: “Өлкөдө бала бакчалардын иши азырынча жанданбайт”.
• Төрөхан Жунусбеков “Мегаком” компаниясынын башкы директорунун кеңешчиси болуп дайындалды.
• Данир Иманалиев Борбордук шайлоо комиссиясынын төрайымынын орун басары болуп дайындалды.
• 8-декабрга карата Токтогул суу сактагычында 13 миллиард 438 миллион метр куб суу бар.
• Баткендин Исфана шаарындагы аэропортко Исхак Раззаковдун ысымы ыйгарылды.
• Пакистан Кыргыз өлкөсүнө баасы 18 миң долларды түзгөн гуманитардык жардам жөнөттү.
  

Жумабай Акимов