АКШнын Лос-Анжелес шаарынын тургуну сүрөтчү, активист Лорен Хэлси 4 мүнөттүк кыска метраждуу кино тартып, элдин назарын бурду. Аны камеранын же телефондун жардамы менен эмес, көз айнек аркылуу тарткан. Бул гаджет америкалык Snap lnc. компаниясы чыгарган 10 секунддук видео тартууга жөндөмдүү Spectacles-3 акылдуу көз айнеги. Ал гаджеттин эки четине эки камера, төрт микрофон орнотулуп, алар батарейка менен иштейт. Ага тартылган сүрөт, видеолорду смартфондогу Snapchat платформасы аркылуу сактап же оңдоп алып, интернеттеги социалдык тармактардан бөлүшүүгө болот.

Бул видео кыска метраждуу кино деп аталып, анда муктаж адамдарга жардамды таңгактап жеткизүүчү топтун активдүү, креативдүү мүчөлөрүнүн иш күнү тартылган. Видеодо көз айнектин жаңы мүмкүнчүлүктөрү көрсөтүлүп, Хэлси эффекттерди колдонуу менен өзгөчө кыска фильм жарата алган.

Асел Ишенбай кызы