Акыркы убактарда көмүр кычкыл газынын натыйжасында жагымсыз климаттык өзгөрүүлөр болуп, адамдардын ден соолугуна терс таасирин тийгизүүдө. Мындай көйгөйлөр бизде эле эмес, өнүккөн өлкөлөрдө да актуалдуу. Ошондуктан айрым өлкөлөр көмүр кычкыл газынын аз бөлүнүп чыгышы үчүн зыянсыз күйүүчү майларды колдонуунун, электр энергиясы менен иштөөчү учактарды ойлоп табуунун аракетинде. Алсак, Англиядагы Оксфорд университетинин изилдөөчүлөрү көмүр кычкыл газынан учактарга куюлуучу реактивдик күйүүчү майды алып, абаны тазартуунун дагы бир жолун ойлоп табышты. Мындай изилдөөнүн жыйынтыгын Nature Communications басылмасы жарыялап, алар жаңы технологиялардын жардамы менен CO2`ден алгачкы бир нече грамм реактивдик май алынганын белгилешкен. Долбоордун жетекчиси Оскар Мейеринк көмүр кычкыл газын күйүүчү майга айлантуучу чоң өнөр жай куруу менен бул системди өнүктүрүп кетүү натыйжалуу болорун белгилеген.

Асел Ишенбай кызы