• “Мекенчил” партиясы алдыдагы жергиликтүү кеңештин депутаттарын шайлоого, парламенттик шайлоого катышпай турганы айтылды.
• Парламент депутаты Максат Сабиров мандатын тапшыра турганын жарыялады.
• 2020-жылы Кыргыз өлкөсү 15 200 тонна картошка экспорттогонун Улуттук статистика комитети билдирет.
• Парламент депутаты Гүлнара-Клара Самат Кыргыздын Орусиядагы элчиси болуп дайындалды.
• 2 айга камакка алынган Райымбек Матраимовдун кан басымы көтөрүлүп жатканын Кыйноолордун алдын алуу боюнча борбордун директору Бакыт Рысбеков билдирди.
• Бишкек мэриясы жарандарды шаардын жолдорундагы кудуктардын капкактарын уурдабоого чакырууда.
• УКМКнын төрагасы Камчыбек Ташиевге генерал-лейтенант, ИИМдин жетекчиси Улан Ниязбековго генерал-майор чиндери берилди.
• 24-февралга карата Токтогул суу сактагычындагы суунун көлөмү 9 миллиард 824 миллион метр кубду түздү.
• Баңгизаттарды мыйзамсыз жүгүртүүгө каршы күрөшүү үчүн Орусия Кыргыз өлкөсүнө 5,2 миллион доллар кайтарымсыз жардам берери расмий жарыяланды.
• Кримтөбөл Камчы Көлбаевди камакта кармоо мөөнөтү 22-мартка чейин узартылды.
• 24-февралга карата Бишкек шаардык кеңешинин депутаттарын шайлоого катышууну көздөгөн саясий партиялардын саны 24кө жетти.
• Учурда Түштүк Кореяда 2 Кыргыз жараны жаза мөөнөтүн өтөп жатканын башкы прокурордун орун басары Турусбек Ишеналиев билдирди.
  
  

Жумабай Акимов