• 16-мартка карата Токтогул суу сактагычында 9 миллиард 51 миллион метр куб суу бар.
• Өзбекстан Кыргыз армиясына 1 тик учак белек кылары расмий маалымдалды.
• “Мегаком” компаниясынын башкы директору Азамат Жаманкулов кызматтан кетти.
• Жарандык активист Тилекмат Куренов социалдык түйүнгө жазган посту үчүн УКМК тарабынан кармалды.
• Улуттук статистика комитети: “Өлкөдө аялдар эркектерге салыштырмалуу 8 жылга узак жашашат”.
• Катар өлкөсү Бишкекке 9 кабаттуу медициналык борбор куруу үчүн 9,2 миллион доллар грант бөлгөнү айтылды.
• Өлкөдөн 59 миллиард 500 миллион сомду мыйзамсыз чыгарып кетүүгө шектелип Бахтияр Жолдошбаев аттуу жаран изделип жатканын УКМК билдирди.
• Ушул жылдын февраль айында Тажикстанда кармалган 9 Кыргыз жараны ар бири 180 миң сомдон айып пул төлөп, мекенине кайтарылды.
• Бишкекте 15-мартта саясатчы Жеңиш Молдокматовдун иш кеңсесине укук коргоо органдары тарабынан тинтүү жүргүзүлдү.
• 10-февралда УКМК тарабынан пара берүүгө шектелип кармалган муфтияттын башкы эсепчиси үй камагына чыгарылды.
• Башкы прокуратура: “Ысык-Көл облустук фонду мамлекетке 150 миллион сом зыян келтирген”.
• 21-март – Нооруз майрамы жекшембиге туш келгендиктен, 22-март, дүйшөмбү – дем алыш күн деп жарыяланды.
  
  

Жолдубек Качкынбаев