• Өлкөдө мектеп окуучулары 22-марттан 1-апрелге чейин эс алышат.
• Бишкектин Алтын-Ордо конушуна 480 орундуу мектеп курууга тендер жарыяланды.
• 23-мартта Бишкек-Нарын-Торугарт унаа жолунун Кара-Үңкүр тилкесине кар көчкү түштү, жабыркагандар жок.
• 24-мартта акаевдик бийликти кулаткан Март ыңкылабына 16 жыл толду.
• Жогорку Кеңештин депутаттары азык-түлүктүн кымбатташы боюнча өкмөттүн маалыматын угууну талап кылышууда.
• Журналист Чынара Асанова узакка созулган оорудан улам 22-мартта каза болду.
• Улуттук статистика комитети: “Күн карама жана пахта майы 1 жылда 1,6 эсеге кымбаттады”.
• 23-мартка карата Токтогул суу сактагычындагы суунун көлөмү 8 миллиард 802 миллион метр кубга чейин азайды.
• УКМКнын төрагасы Камчыбек Ташиев чек ара боюнча сүйлөшүү жүргүзүү үчүн 23-мартта Өзбекстанга барды.
• Ушул аптада өлкөдө калкты коронавируска каршы эмдөө кампаниясы башталары күтүлүүдө.
• Айылдык кеңешке талапкерлерди каттоо аяктады, 420 айылдык кеңешке 18 772 талапкер ат салышат.
• Энергетика жана өнөр жай министри Кубанычбек Турдубаев: "Дүйнөдө мунайдын баасы дагы 20 пайызга кымбаттайт".
• Жогорку Сот мурдагы башкы прокурор Аида Саляновага карата өкүмдү жокко чыгарып, кылмыш ишин кайра кароого жөнөттү.
  
  

Жолдубек Качкынбаев