• Өлкөдө коронавирусту дарылоонун 5-протоколу иштелип чыкканы айтылды.
• Үстүбүздөгү жылдын 3 айында Бишкекте балдар катышкан 93 жол кырсыгы катталды.
• Замирбек Малабеков Мамлекеттик бажы кызматынын төрагасынын орун басары болуп дайындалды.
• "Жыл башынан бери Баткенде контрабандалык 80 тоннадан ашык күйүүчү май колго түштү",- деп билдирет УКМК.
• Парламентте депутаттар Дооронбек Садырбаевдин эстелигин коюуга жер бөлүп берүү сунушун айтышты.
• 2021-жылга карата Кыргыз өлкөсүндө элдин саны 6 миллион 637 миңди түздү.
• Нурдөөлөт Базарбаев саламаттыкты сактоо жана социалдык өнүктүрүү министринин орун басары болуп дайындалды.
• 2021-жылга карата Орусиянын жогорку окуу жайларында 16 миңдей Кыргыз жараны билим алып жатканы айтылды.
• Бишкек мэриясы: COVID-19 илдетинен улам быйыл 29-апрель – Бишкек шаарынын күнү жана 9-май – Жеңиш күнү массалык түрдө майрамдалбайт.
• “Коопсуз шаар” долбоорунун алкагында Ош шаарына 600 видеокамера орнотулат.
• Сузак районунда жер көчкү түшүү коркунучу бар аймактан 14 үй-бүлө көчүрүлдү.
• Ош шаарында бала бакчада 5 жашар кыз сабалып, окуя боюнча териштирүү жүрүүдө.
• Бишкекте 21-апрелге карата АИ-95 үлгүсүндөгү бензиндин баасы 50 сомдон ашты, АИ-92 үлгүсү 48,50 сомдон сатылууда.
  
  

Жолдубек Качкынбаев