• 1-июлдан тарта Кыргыз өлкөсүнө киргизилген өсүмдүк майы жана кумшекер кошумча нарк салыгынан бошотулат. Себеп – аталган товарларга бааны арзандатуу.
• Түркиянын коргоо министри Хулуси Акар 28-июнда расмий иш сапары менен Бишкекке келди.
• УКМКнын Коррупцияга каршы күрөшүү кызматы жоюлду.
• Бишкекте алдамчылыкка, 68 тонна бензин уурдоого шектелген жаран кармалды.
• Патрулдук милиция: Бишкекте бир аптада 5691 жол кыймылынын эрежесин бузуу фактысы катталды.
• Өлкөдө 20 же 21-июль Курман айт майрамы белгиленип, дем алыш күн болот.
• Замир Ракиев 26-июнда Кыргызстандын муфтийи болуп шайланды.
• Президент Садыр Жапаров 27-июнда Түркмөнстанга расмий иш сапары менен барып, аталган өлкөнүн президенти Гурбангулы Бердымухамедов менен жолугушту.
• Өмүрбек Текебаев депутаттык мандатын кайтарып алуу үчүн сотко кайрылып, Бишкектин Биринчи Май райондук соту арызды кароодон баш тартты.
• Азамат Сакиев “Кыргыз темир жолу” мамлекеттик ишканасынын башкы директору болуп дайындалды.
• Чүйдө абактан качып, быйыл февралдан бери изделип жаткан аял кармалганы маалымдалды.
• Парламент депутаттары ипотекалык насыяны төлөө мөөнөтүн 5 жылдан 15 жылга чейин узартуу демилгесин көтөрүштү.
  
  

Жолдубек Качкынбаев