• 2021-жылдын 1-сентябрынан тарта өлкөдө электр энергиясы боюнча жаңы тариф иштеп баштай турганы айтылды.
• 7-июлга карата Токтогул суу сактагычындагы суунун көлөмү 11 миллиард 182 миллион метр кубга жетти.
• Тышкы иштер министри Руслан Казакбаев коронавирус илдетин жуктуруп алып, дарыланууда.
• Кочкор районунун Бугучу айылында 150 окуучуга ылайыктуу жаңы мектеп пайдаланууга берилди.
• Парламент депутаты Искендер Матраимов Молдова парламентине шайлоодо КМШ өлкөлөрүнүн парламенттер аралык ассамблеясынын байкоочулар тобун жетектейт.
• Жакында Кытайдан 1 миллион 250 миң доза Sinopharm вакцинасы алынып келинери айтылды.
• Кыргызстан менен Азербайжан биргеликте инвестициялык фонд түзөрү расмий маалымдалды.
• Бишкектин Свердлов районундагы мечиттер санитардык-эпидемиологиялык талаптардын сакталышы боюнча текшерилди.
• Кыргыз жарандарын Орусияга алдоо жолу менен алып кетүүгө шектүү жаран кармалды.
• 7-июлга карата өлкөдө 200 миңден ашык жаран коронавируска каршы эмдөө алганы жарыяланды.
• УКМК: Бишкектин экс-вице-мэри Уланбек Азыгалиев мыйзамсыз баюу беренесинин алкагында өлкө казынасына 30 миллион сом төктү.
• Абхазиядан Кыргыз жерине автоунааларды мыйзамсыз ташып жүргөн дагы бир канал буулганы айтылды.
• Айбек Стамов Бишкек аймактык шайлоо комиссиясынын төрагасы болуп дайындалды.
• Өлкөдө 1753 адам бөйрөк оорусунан улам учурда мамлекеттик бюджеттин эсебинен гемодиализ аппаратын пайдаланат.
• Мамлекеттик салык кызматы айдоочуларды 1-сентябрга чейин автоунаа салыгын төлөөгө чакырууда.
• Ош шаардык кеңешине шайлоого аттанган партиялардын биринин 3 өкүлү добуш сатып алуу кылмышына шектелип кармалды.
• COVID-19 пандемиясы башталгандан бери өлкөдө жүрөк-кан тамыр ооруларынан каза тапкандар 19 пайызга өскөнү маалымдалды.
• Парламент депутаттары карышкыр, чөө аткандарга сый акынын суммасын көбөйтүү сунушун айтышты.
  
  

Жолдубек Качкынбаев