• Парламентте Эсептөө палатасынын аудиторлорунун санын кыскартуу демилгеси көтөрүлдү.
• Кыргызстанда 8 айда 1,3 миллион тонна көмүр казылганын “Кыргыз көмүр” ишканасы билдирди.
• Кыргыз-Орус өнүктүрүү фондунун төрагасы Артём Новиковго улук лейтенант наамы ыйгарылды.
• Азиз Аалиев Министрлер кабинетинин төрагасынын биринчи орун басары болуп дайындалды.
• Расмий маалыматка таянсак, өлкөдө ушул тапта 7 жашка чейинки балдардын 22 пайызы гана бала бакчага барат.
• Кыргыз-Венгрия өнүктүрүү фондун түзүү тууралуу макулдашуу ратификацияланды.
• 2021-жылдын 8 айында өлкөдө 66 миллиард 131 миллион сом салык жыйналганы айтылды.
• Сонунбек Жунусбаев Ош шаарынын вице-мэри болуп дайындалды.
• Парламенттик шайлоого карата чет өлкөлөрдө кошумча 8 добуш берүү тилкеси ачылганы маалымдалды.
• Коргоо министри Таалайбек Өмүралиев ээлеген кызматынан бошотулуп, ордуна Бактыбек Бекболотов дайындалды.
• Бишкекте бирөөнүн 12 миң долларын алдап алып, качып кетүүгө шектелип аял киши кармалды.
• Депутат Айсулуу Мамашова жакшы иштебей жатат деп Улуттук онкология борборунун директорун кызматтан бошотууну сунуштап чыкты.
• УКМК: Президенттик аппараттын жетекчисинин мурдагы орун басары Алмамбет Салиевдин иши боюнча тергөө аяктаганы калды.
• Түркия Кыргыз өлкөсүнө 150 миң доза Sinovac вакцинасын берери айтылды.
• Башкы прокуратура: Бишкекте мыйзамсыз жеке менчикке берилип кеткен 92,5 миллион сомдук жер тилкеси мамлекетке кайтарылды.
• Быйыл 28-ноябрда өтүүчү парламенттик шайлоого 602 миллион сомго жакын каражат жумшалары күтүлүүдө.
• Камактагы саясатчы Жеңиш Молдокматовго дагы 3 айып тагылганын ИИМ билдирди.
• Мирлан Жакыпов "Кыргыз көмүр" мамлекеттик ишканасынын директору болуп дайындалды.
• Ысык-Көлдү сүзүп өткөн Владислав Шуликого президент Садыр Жапаров 500 миң сом тапшырды.
  
  

Лунара Бекиева