• Жалал-Абад шаарында кичи автобустарда жол кире 15 сом болот, шаардык кеңеш чечим кабыл алды.
• 15-ноябрда кечке жуук Чүй облусунда күчү 3 баллга жеткен жер титирөө катталды, жабыркагандар жок.
• Республикалык “СПИД” борбору 19-21-ноябрь күндөрү жарандарды ВИЧке карата акысыз текшерүү акциясын өткөрөт.
• Башкы прокуратура: Баткен облустук курулуш башкармалыгы мамлекетке 12 миллион сомдук зыян келтиргени аныкталды.
• Кара-Суу районунун Кожокелең айылында 225 окуучуга ылайыкталган жаңы мектеп ишке киргизилди.
• Өлкөдө 2021-жылдын 10 айында 299 миң тонна эт өндүрүлгөнү расмий маалымдалды.
• Элчибек Жантаев мамлекеттик кызмат жана жергиликтүү өзүн-өзү башкаруу мамлекеттик агенттигинин жетекчиси болуп дайындалды.
• 15-ноябрда депутат Дастан Бекешев шайлоодогу үгүт ишине байланыштуу УКМКда сурак берди.
• 16-ноябрда Бишкек-Ош трассасынын Кара-Суу районундагы тилкесинде 3 унаа сүзүшүп, 8 адам каза тапты.
• Бишкекте сасык тумоо, пневмония менен ооруган балдар көбөйүп, үй-бүлөлүк дарыгерлер борборлору дем алыш күндөрү да иштөөгө өткөнүн мэриядан билдиришти.
• Өлкөдө 15 жаштан өткөн жарандар коронавируска каршы эмдөө ала башташат.
• ИИМ: Экстремизмди жайылтуу менен алектенген 63 сайт аныкталды.
• Күчүнө кирген жаңы мыйзамдын талабына ылайык, 15-ноябрда Кыргызстанда 13 министрликтин статс-катчылары кызматтан бошотулушту.
• УКМК тарабынан кармалган “Дордой-Дыйкан” базарынын жетекчиси Эркин Салымбеков мамлекетке 100 миллион сом кайтарганы айтылды.
• Бишкек ЖЭБине кышында
  1 миллион 650 миң тонна көмүр керектелсе, учурда анын 180 миң тоннага жакыны келип түшкөн.
• Мамлекеттик кадр кызматынын жетекчиси Абдырахман Маматалиев кызматтан бошотулду.
• “Түндүк электр” ишканасы 16-ноябрдан тарта карызы төлөнө элек 4600дөн ашык абоненттин электр жарыгын өчүрөрүн жарыялады.
• Депутаттыкка талапкердин тууганы Бишкекте добуш сатып алууга шектелип кармалды.
  
  

Лунара Бекиева