• Каржы министри Алмаз Бакетаев 2022-жылы Кыргызстандын тышкы карызын төлөөгө
  26 миллиард сом жумшаларын айтты.
• Эдил Байсалов: “Коронавирустун “Omicron” штаммы Кыргызстанга январь айынын ортосунда келиши мүмкүн”.
• Бир окуучу жана бир мугалимден коронавирус илдети аныкталганы үчүн Бишкектеги №62 мектеп онлайн окуу форматына өттү.
• Камакта отурган саясатчылар Равшан Жээнбеков жана Жеңиш Молдокматовдун тарапташтары Бишкекте митингге чыгып, аларды бошотууну талап кылышты.
• 15-декабрга карата Токтогул суу сактагычындагы суунун көлөмү 10 миллиард 652 миллион метр кубду түздү.
• Улуттук статистика комитетинин төрагасы болуп Самат Насирдинов дайындалды.
• Жалал-Абад шаарында улгайган 10 жалгыз бой энеге акысыз көмүр таратылды.
• Кытайдан гуманитардык жардам катары алынган 1,5 миллион доза "Sinopharm" вакцинасы өлкөгө алынып келинди.
• БШК Бишкектин Свердлов жана Биринчи Май шайлоо округдарында парламенттик шайлоо өтпөй калды деп тапты.
• Быйыл өлкөнүн бардык университеттеринен 80 студент президенттик стипендияга ээ болду.
• Жаңы жыл майрамына карата Бишкекте милиция күчөтүлгөн тартипте иштөөгө өткөнү кабарланды.
• "Кыргыз көмүр" ишканасы төрт айда жарым миллион тонна көмүр казды.
• Саясий партиялардын IT-адистери БШКнын сайтында 28-ноябрдагы парламенттик шайлоо күнү маалыматтар бурмаланбаганын тастыкташты.
• Ысык-Көлдө быйыл 11 айда жол кырсыгынан 13 адам каза болгону айтылды.
• Коронавирустун "омикрон" штаммы дүйнөнүн 77 өлкөсүндө катталганын Дүйнөлүк саламаттыкты сактоо уюму билдирди.
• Кен казуу тармагындагы иштерди жакшыртуу максатында өлкөдө "Улуу көчмөндөрдүн мурасы" улуттук холдинг компаниясы түзүлдү.
• Белгилүү хирург Сабырбек Жумабеков Казакстан президентинин атынан төш белги менен сыйланды.
• Быйыл Кыргызстанда кант кызылчасы былтыркыга караганда 19 пайызга аз жыйналды.
• Ошто 12-декабрда күчү 3 баллга жеткен жер титирөө катталды, жабыркагандар жок.
  
  

Лунара Бекиева