• Чүй-Кемин округу боюнча Медербек Саккараевди талапкер кылып каттоо чечимин БШК жокко чыгарды, аймакта кайра шайлоо өтүшү мүмкүн деп маалымдалды.
• Бир аптага тазалоо иштери үчүн жабылган “Кара-Кече” көмүр кени 20-декабрдан тарта иштей баштады.
• Саламаттыкты сактоо министри Алымкадыр Бейшеналиевди отставкага кетирүү үчүн кол топтолуп жатат.
• Президент Садыр Жапаров 2022-жылдын январь айында Индияга иш сапары менен барат.
• 22-декабрга карата Кыргызстанда коронавирус илдети менен 649 адам ооруп жатканы, анын 165и оор абалда экени маалымдалды.
• 21-декабрда Баткен облусунда күчү 3 баллга жеткен жер титирөө катталды, жабыркагандар жок.
• Жогорку Кеңеш 22-декабрда депутат Бакыт Жетигеновду кол тийбестиктен ажыратуу боюнча Башкы прокуратуранын сунушуна макулдук берген жок.
• Кышкы каникул: Окуучулар 31-декабрдан 2022-жылдын 12-январына чейин эс алышат.
• Эл аралык түрк академиясы 2022-жылды Ишеналы Арабаев жылы деп жарыялоону сунуштады.
• Сокулук районунда башка бирөөнүн жерин үчүнчү тарапка сатып жиберди деп шектелип
  2 аял кармалды.
• “Бийликти күч менен басып алууга даярдык көргөн” деп айыпталып кармалган Жогорку Кеңештин депутаты Бакыт Жетигенов камактан бошотулду.
• Жогорку Соттун судьясы Дильфуза Боронбаева президент Садыр Жапаровдун сунуштамасынын негизинде кызматтан убактылуу четтетилди.
• Жогорку Кеңеш 22-декабрда Салык кодексинин долбоорун 3 окууда кабыл алды.
• Исламбек Мойдунов "Кыргыз патенттин" директорунун биринчи орун басары болуп дайындалды.
• ИИМдин Ички аскерлеринин командири Исламбек Кенжекулов коррупцияга шектелип кармалып, 11-январга чейин камакка алынды.
• Коронавирустун Омикрон штаммы дүйнөнүн 106 өлкөсүндө катталды.
• Жогорку Кеңеш 22-декабрда “Кыргыз Республикасынын 2022-жылга бюджети жана 2023-2024-жылдарга болжолу жөнүндө” мыйзам долбоорун
  3 окууда карап жактырды.
• Акылбек Жапаров: "Жогорку Кеңештин 6-чакырылышы өлкөдө туруктуулукту орноткон парламент болду".
  
  

Лунара Бекиева