Саясатчы, экс-депутат Равшан Жээнбеков 27-декабрь күнү эркиндикке чыкты. Ал социалдык тармак аркылуу билдирүү жасап, колдоочуларына ыраазычылык билдирди. Маалыматка таянсак, Равшан Жээнбеков жаңы күчүнө кирген Кылмыш-жаза кодексинин 303-беренесине ылайык бошотулган. Саясатчы 2021-жылдын 5-августунан бери камакта болчу. Кой-Таш окуясы боюнча айыпталып жаткан Жээнбеков быйыл 28-ноябрда өткөн парламенттик шайлоого Бишкектин Ленин шайлоо округунан талапкер болуп катталып, жарышка түшкөн. Президент Садыр Жапаров шайлоодо Равшан Жээнбековго добуш бергени белгилүү болуп, бул боюнча комментарий берген өлкө башчысы Жээнбековдун камакта отурушун каалабай турганын айткан.