• Мамлекеттик бажы кызматынын төрагасы Адилет Кубанычбеков кармалганын УКМК маалымдады.
• Парламент депутаты Орозайым Нарматованы убагында окуу жайга мыйзамсыз кабыл алган деп Жалал-Абад мамлекеттик университетинин жооптуу кызматкерлерине кылмыш иши козголгону айтылды.
• Мурдагы вице-премьер Дүйшөнбек Зилалиев үй камагына чыгарылды.
• Өлкөдө акчасын төлөп автоунаалардын алдыңкы айнектерин караңгылатып жүрүүгө уруксат берилгени жатат.
• 2021-жылы Бишкекте жол кырсыгынан 64 адам каза таап, 3396 адам жаракат алганы маалымдалды.
• Жазаларды аткаруу мамлекеттик кызматынын кадрлар резервин түзүү үчүн сынак жарыяланды.
• Эпидемиологиялык кырдаал начарлагандыктан өлкөдө 26 мектеп онлайн режимде иштөөгө өттү.
• Президент Садыр Жапаров Салык кодексине кол койду.
• Жогорку Кеңеш санариптик өнүгүү министри кызматына Талант Имановдун талапкерлигин жактырды.
• Мурдагы башкы прокурор Аида Салянова Бишкектин Свердлов райондук округунан Жогорку Кеңештин депутаттыгына ат салышканы жатат.
• ТИМ: Кыргыздын Ирандагы элчилиги Бишкек-Тегеран түз аба каттамын ачууну сунуштады.
• 2022-жылдын республикалык бюджети жөнүндө мыйзамга президент тарабынан кол коюлду.
• Парламент депутаты Нуржигит Кадырбеков оорукана сөзүн "шыпаакана" деп өзгөртүп колдонууну сунуштады.
• Транспорт жана коммуникациялар министрлигине караштуу Жол фонду түзүлдү.
• Өзгөчө макамы бар Баткен облусун өнүктүрүүгө, мыйзамга ылайык, жыл сайын 500 миллион сом бөлүнөрү айтылды.
• Бишкектеги "Ак кеме" мейманканасы кайрадан медицина кызматкерлери үчүн обсервация болуп ачылат.
• Эдил Байсалов: "Кыргызстанда коронавирустун төртүнчү толкуну 2022-жылдын март айына чейин созулат".
• Баткендин Кадамжай районунда автоунаа айдай качууга шектелип 41 жаштагы жаран кармалды.
• Акыйкатчы институту: Ленин РИИБинин тергөөчүсүнүн мыйзамсыз аракетинин айынан 1 аял күнөөсүз 1,5 жыл абакта отурганы аныкталды.
  
  

Лунара Бекиева