• Кыргызстандык ишкерлердин бири жүргүнчү ташуучу автобус чыгарды, унаа европалык DAF компаниясы менен бирге Бишкекте куралган.
• Түндүк-Түштүк альтернативдүү жолундагы туннель казылып бүттү.
• “Эйр Манас” авиакомпаниясы: 6-февралда Бишкек-Жидда багытындагы аба каттамы боюнча Бишкектен алгачкы учак учат.
• Жогорку Соттун төрайымы Нургүл Бакирова кызматтан кетип, ордуна Замирбек Базарбеков шайланды.
• Парламент депутаттары мектеп окуучуларына кичи автобустарда жол кирени 10 сом кылууну сунушташты.
• 2021-жылы Кыргызстанда өспүрүмдөргө зомбулук кылуу боюнча 264 окуя катталганы айтылды.
• Кыргыз өлкөсү менен Түштүк Кореянын ортосунда дипломатиялык алаканын түзүлгөнүнө 30 жыл толду.
• Конституциялык палатанын төрагасы Карыбек Дүйшеев отставкага кетип, ордуна Эмил Өскөнбаев шайланды.
• Токтогул районунун тургуну 1,5 килограмм баңгизат менен кармалганы маалымдалды.
• Кыргызстандын шахмат федерациясы бул спорт түрүн мектепте башталгыч класстардын окуу программасына киргизүүнү көздөп жатат.
• Экс-премьер Игорь Чудинов Башкы прокуратурага суракка чакырылды.
• Түп районунун 2 тургуну газга ууланып каза тапканы маалымдалды.
• Президент Садыр Жапаров 3-февралда иш сапары менен Кытай өлкөсүнө кетти.
• 2-февралга карата Токтогул суу сактагычында 8 миллиард 995 миллион метр куб суу калды.
• 19 жаштагы кыз Бишкекте имараттын 5-кабатынан кулап түшүп, учурда ооруканада.
• Нарын шаарынын мэри Жаныш Курбанов ээлеген кызматынан бошотулду.
• Өмүрбек Текебаев Кыргыз өлкөсүнүн Германиядагы элчиси болуп дайындалды.
• Рустам Кошонов Түркиянын Анталия шаарына башкы консул болуп дайындалды.
• Дарыгерлер өлкөдө балдардын нерв системинин оорулары күчөп баратканын айтып чыгышты.
• Жогорку Кеңештин депутаттары парламентти мыскылдаган сөздөрдү айтып жатат деп министрлер кабинетинин төрагасынын орун басары Эдил Байсаловго чара көрүүнү талап кылышты.
  
  

Лунара Бекиева