Cаясатчы, “Туран” партиясынын лидери Жеңиш Молдокматов үй камагына чыгарылды. Мындай чечимди 2-февралда Бишкек шаардык соту чыгарды. Сот залынан бошотулган саясатчы “271 күн камакта отурупмун. Элге кызмат кылууга даярбыз, позициямдан кайтпайм” деп билдирди. Жеңиш Молдокматов азыркы бийликке оппозициялык маанайдагы саясатчы. Мисалы, ал Кыргыз-Өзбек чек арасын тактоо ишиндеги Кыргыз тараптын Кемпир-Абад суу сактагычы боюнча позициясын кескин сындап чыкканы белгилүү.