Түндүк-Түштүк альтернативдүү жолуна кар көчкү түшүп, 4 адамды басып калды. Көчкү 14-февраль күнү трассанын Көк-Арт ашуусунун аймагында, туннелдин эки тарабына түштү. Өзгөчө кырдаалдар министрлигине таянсак, жалпы 8 жерден көчкү жүргөн. 16-февралда парламент депутаттары “трассаны курууда кар көчкү түшүү коркунучу эске алынган эмеспи?” деп маселе көтөрүштү. Буга ӨКМнын өкүлү “биздин министрлик ошол көчкү түшкөн жерлерге атайын галереяларды курууну сунуштаган. Долбоорго кирген же кирбегенин билбейм” деп жооп узатты.

Түндүк-Түштүк альтернативдүү жолу Кытайдан карызга алынган акчага курулуп жатат. Долбоордун баасы
1 миллиард доллардан ашык. Долбоор талкууланып жатканда альтернативдүү жол учурдагы Бишкек-Ош трассасындай катаал шартта болбой турганы, ары-бери каттоо жеңил болору айтылган эле. Бир күндө 8 жерден кар көчкү түшкөнү суроо жаратат.

Лунара Бекиева