• ӨКМ: Тоолуу аймактарда кар көчкү түшүү коркунучу жогору.
• Дастан Бекешев, депутат: “Кыргызстандыктар Орусия бийлигин сындоодон алыс болгону туура”.
• Бишкекте таксисттин автоунаасын айдай качкан 19 жаштагы кыз кармалды.
• Кыргызстанда лифт өндүрүүчү биринчи ишкана ачылганы кабарланды.
• Жогорку Сот парламент депутаттыгына талапкер Абдурахман Муртазалиевди жарыштан четтеткен БШКнын чечимин күчүндө калтырды.
• Асел Чынбаева Балдар укугу боюнча ыйгарым укуктуу өкүл болуп дайындалды.
• “Аэрофлот” авиакомпаниясы Москва-Бишкек аба каттамын жандандырды.
• 21-мартта Жалал-Абад облусунда күчү 5 баллга жеткен жер титирөө катталды, жабыркагандар жок.
• Өзгөн районундагы көмүр шахтада 3 Кытай жараны каза болду, аларды көмүр аралаш таш басып калган.
• УКМК: Баңгизаттарды сатуу менен алектенгендерди үстүнөн коргоп жүргөн деп мурдагы милиция кызматкери кармалды.
• Саламаттыкты сактоо министрлиги: Кыргызстанда кургак учук менен ооругандардын саны азаюуда.
• Ысык-Көл облусунда калың жааган кардан улам ашуулар убактылуу жабылды.
• Башкы прокурор: "Мамлекеттик органдардын ишкерлерге кысым көрсөтүүсү жоюла элек".
• Кыргыз жеринде кумшекердин 2 айга жетерлик запасы бар экени маалымдалды.
• Кыргызстан эң бактылуу өлкөлөрдүн рейтингинде 64-орунга жайгашты.
• Балыкчы–Кочкор–Кара-Кече темир жолун куруу башталды. Бул жолду Жалал-Абадга чейин жеткирүү пландалып жатканы айтылды.
• 23-мартта Бишкектин Биринчи Май райондук соту пара талап кылууга шектелген жарандык активист Мелис Аспековду
  7 жылга эркинен ажыратты.
• Баткенде аскер кызматкери Тажикстандын чек арачылары тарабынан сабалганы расмий маалымдалды.
• Дүйнөдө коронавирустун "Дельтакрон" деген жаңы штаммы пайда болгону кабарланды.
• Бишкектин мурдагы мэри Эрмек Нургазиев алдамчылыкка шектелип кармалды.
• Баткенде бир жылдан бери мал уурулук менен алектенип жүргөн топ кармалганы жарыяланды.
  
  

Лунара Бекиева