Жети-Өгүз районунда мектеп окуучулары мектеп директорунун орун басарын сабап салышты. Маалыматты 30-июнда Ысык-Көл облустук милициясы тастыктады.

Маалыматка таянсак, окуя 19-июнда болгон. 25 жаштагы завуч Саруу айылындагы орто мектептин окуучулары сабап салганын айтып ооруканага кайрылган. Оорукана милицияга маалымат берген. Жабырлануучу учурда ооруканада, тийиштүү экспертизалар дайындалганы белгилүү болду.

Жабырлануучунун айтымында, 10-класстын окуучуларын экскурсияга жибербей койгону үчүн аны сабап салышкан.