№1026 5-11-август, 2022-ж.
Кыргызстандагы мектеп жана бала бакча жетишсиздигин чечүү үчүн Араб координациялык кеңешинен 60 миллион доллар суралды. Бул тууралуу билим берүү жана илим министри Алмазбек Бейшеналиев билдирди. Азыркы тапта өлкөдө эскилиги жеткен 245 мектеп бар. Аталган каражат грант жана кредит түрүндө берилиши мүмкүн. Каражатка мектептерди жаңылоо пландалып жатканы маалымдалды.Айта кетсек, 3-августта Чолпон-Ата шаарында Араб координациялык тобунун 4-тегерек столу өттү. Министрлер кабинетинин билдиришинче, инвесторлорго саламаттыкты сактоо, ирригация, транспорт жана башка тармактагы долбоорлор боюнча дагы маалымат берилди.
Араб координациялык кеңешине Ислам өнүктүрүү банкы, Сауд өнүктүрүү фонду, Араб экономикалык өнүгүүсүнүн Кувейт фонду, ОПЕК эл аралык өнүктүрүү фонду, Катар өнүктүрүү фонду жана башка уюмдар кирет."Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн..
0
Талкуу жабык.
| Маалымат-маанайшат порталы | 2006-2025 © SUPER.KG |
