Бишкекте коомдук унааларда жол кирени 15 сомдон 32 сомго чейин көтөрүү пландалып жатат. Бул тууралуу ушул аптада мэрияга караштуу Транспорт башкармалыгы кабарлады. Жол киренин 3 түрү сунушталууда. Биринчиси – троллейбус жана автобустарда жүрүү 15 сом болот. Экинчиси – кичи автобустарда саат 06:00дөн 20:30га чейин 21 сом. Үчүнчүсү – саат 20:30дан 06:00гө чейин 32 сом кылуу пландалып жатат. Эгер тарифтер көтөрүлө турган болсо, коомдук унаалардын техникалык абалы жакшыртылат дейт башкармалык. Мындай убада жол кире 10 сомдон 15 сомго көтөрүлүп жатканда да айтылган. Бирок жүргүнчү ташыган автобустар менен кичи автобустардын абалы жакшырып кеткен жок. Орундугу жетишсиз, санитардык талапка жооп бербеген коомдук унаалардын саны көп.