17-майда таң эрте Чүйдүн Ысык-Ата районуна караштуу Дмитриевка айылындагы атайын операция учурунда ИИМ менен УКМКнын кызматкерлери курчоого алып, атышууда 1 террорчу жок кылынды. Кылмышка шектүү аталган айылдагы үйлөрдүн бирин ижарага алып жашап жатканы айтылды. ИИМдин билдиришинче, “террорчуну” колго түшүрүүдө ал куралдуу каршылык көрсөтүп, атышууда 2 укук коргоо кызматкери жаракат алды. Алардын бири Бишкекке жеткирилип, Улуттук госпиталда чукул операция жасалды. Ок анын санына тийген, дарыгерлер абалын туруктуу деп билдиришти. Экинчи жабырлануучу дарыгерлердин текшерүүсүнөн кийин үйүнө жөнөтүлдү.