Кыргызстандыктар жыл башынан бери банктардан 239,9 миллиард сом кредит алышты. Бул тууралуу Депозиттерди коргоо агенттиги билдирет. Насыянын көпчүлүк түрлөрү боюнча көрсөткүч өстү. Кредиттер кандай багытта алынганына токтолсок.

Керектөө насыялары – 48 миллиард сом, соодага алынган насыялар – 67,3 миллиард сом, ипотекалык насыя – 27,7 миллиард сом, өндүрүшкө алынган насыя – 12,4 миллиард сом, айыл чарбасына алынган насыялар – 41,9 миллиард сом, курулушка алынган насыялар – 12,3 миллиард сом, башка максатка алынган насыялар – 30 миллиард сомду түзгөнү айтылат маалыматта. Өндүрүшкө жана курулушка деп алынган кредиттердин көрсөткүчү гана былтыркыга салыштырмалуу азайганы байкалып, калган багыттар боюнча алынган насыялардын суммасы 12 пайыздан 46 пайызга чейин өскөн.