Грек-рим күрөшү боюнча Дүйнө чемпиондугунун жана Бээжин Олимпиадасынын күмүш медалынын ээси, Азия чемпиону Канатбек Бегалиев Аликбек Жекшенкулов жетектеген “Акыйкат” партиясына кирди. Ал эми өткөн аптада “Акыйкат” партиясы Канатбек Бегалиевдин кичи мекени Таласка барып, эл менен жолугушуу өткөрүп келген. Азыркы учурда балбан Украинадагы эл аралык машыгуу сборунда жүрөт.