«Бийликти экинчи ирет басып алууга аракет кылды» деп айыпталып жаткан Урматбек Барыктабасовдун соту уланууда. 6-январь күнү соттун жүрүшүндө Ысык-Көл облусунун Балыкчы шаарында токмоктолгон ИИМдин кызматкерлери Мирлан Ниязалиев менен Боромбай Кочкоров Барыктабасовго каршы көрсөтмө беришти. Алардын айтымында, 4-август күнү Барыктабасовдун жигиттери тарабынан кармалып, кийин ур-токмокко кабылышкан. “Анын тарапташтары бийлик алардын колунда экенин айтышты”,- деди жабыр тартуучулар. Бирок адвокаттар алардын сөзүн четке кагып, баштапкы көрсөтмөдө бийликти басып алуу жөнүндө ооз ачпаганын айтышууда. Айтмакчы, бул иш боюнча баш-аягы
15 кишиге күнөө коюлууда.