7-апрель 1993-жылы Кыргыз Республикасы менен Түркия өлкөсүнүн ортосундагы мамиленин өнүгүшүнө Түркиянын президенти Тургут Озалдын Кыргызстанга жасаган расмий иш сапары маанилүү роль ойногон. Мамлекет башчыларынын сүйлөшүү жыйынтыгына ылайык эки тараптуу кызматташууну өнүктүрүүгө багытталган келишимдерге кол коюлган.
Тургут Озалдын иш сапары кыргыз коомчулугу эле эмес, Кыргызстан жетекчилиги үчүн зор таасир калтырган. Тургут Озолдын визитинен кийин жаңы эгемендик жолуна түшкөн өлкүнүн болочок өнүгүү жолу мындан ары түркиялык багыт менен түздөлөөрү туурасында пикир айтыла баштаган.
(33 жыл мурун)
